Theem Plaub: Sojntsuam kev qha
Henplais 13:7 "Yeej tsi muaj ib tug mivnyuas kws leej txiv yuav tsi tau qhuabqha hab nplawm le"
Muaj tseeb tag, txhua tug mivnyuas thaus yau, yog tsi muaj leejtxiv qhuabqha yuav tsi tsheej tuabneeg. Leej txiv tshev los vim yog nwg HLUB, nwg ntaus los vim nwg ntshai nyob tsaam tug mivnyuas lub neej TSI ZOO, leej txiv qhuabqha yog nwg xaav kuas tug mivnyuas dlhau ua ibtug tuabneeg tsimtxaj hab paub taab.
A: Namtxiv kev sojntsuam
Tomqaab kev txhim khu taag lawm, namtxiv yuav tau tig lug sojntsuam xwssle:
- Yug kev txhim qha puas ncaaj?
- Puas yog ua lug ntawm kev npau tawg?
- Tug Mivnyuas puas totaub txug qhov qha ntawd tas yog dlaabtsi?
- Tug mivnyuas puas paub tusab rua qhov kws nwg tau ua?
Thaus yug muab sojntsuam taag, yog yug pum hastas yug ua tsi ncaaj, ua tau dlhau heev lawm, yug yuav tau moog thov kev zaam txim ntawm tug los cov mivnyuas, qhov nua yuav ua rua puab paub hastas yug HLUB puab tag.
B: Cobqha Kuas xyuamxwm:
Teg dlejnum nuav thaus peb muaj mivnyuas lawm, leej nam leej txiv yuav tau paub hastas yug muaj ib teg dlejnum rua yug cov mivnyuas.
- Muaj kev cobqha kws txawmpeem, puvntoob
- Yuav tau chiv los pib thaus ntxuv
- Leej Txiv ua tug coj
- Leej Nam yuav tau paab leej txiv, obleeg yuav tau sis paab qha.
Leej nam hab leej txiv yuav tau CEEV tej lug cobqha kuas zoo, obtug yuav tau qha los ntuag moog tuabyaam, tuabseem. Pevxaam: Nub nua yug tug mivnyuas tau ua ib yaam puag, yug hastas tsi ua lecaag.... Nub tomqaab nwg rov ua dlua, yug tshev heev. Yog peb ua lenuav, tug mivnyuas yuav tsi totaub hastas qhov twg yog hab qhov twg tsi yog.
C: Pib thaus twg (txhais tas txij noobnyoog lecaag)
Muaj ib txha nam txiv tsi paub hastas tug mivnyuas noobnyoog txij lecaag yug maam le qha tau...! Peb yuav tau pib thaus ntxuv le ntaag. Tug mivnyuas yau los yeej qha tau lug ntawm lulug muas mog. Cov tuabneeg kws xaam txug zaaj nuav, luas hastas, mivnyuas feemcoob yeej muaj lub sab ua yaam tsi yog thaus yug lug le lawm. Yog le peb cov ua nam ua txiv yuav tau ntse hab qha tag-tag, kev qha yuav tsum nrug kev xaaj hab kev totaub.
* Thaus tug mivnyuas muaj 6 hli:
Nwg yeej noj tsi tau khoom tawv, tabsis kwstshuaj hastas yuav tau muab nwg xyum noj hab muab nwg yoo mig mivntsiv nwg txha yuav kaam noj.
- Qha thaus nwg pib xyum moog kev
- Qha thaus tug mivnyuas txawj txaav rua ub rua nua kuas nwg paub hastas yuav raug mob.
* Thaus muaj 1 xyoos:
Thaus tug mivnyuas muaj ib xyoos nwg xaav paub txhua yaam, nwg yeej moog kov qhov ub qhov nuav, yug yuav tau qha rua nwg, muab nwg sim kuas nwg paub hastas yog kov ces yuav ku, yuav mob.
* Thaus luj hlub paub taab:
Thaus nwg luj paub taab lawm yuav tau khaiv nwg ua dlejnum, coj khoom lamsim moog povtseg, khu txaaj chaw, noj kuas raug caij, pw kuas raug caij, qha tas nwg muaj ib tegnum yuav tau ua, thaus nwg tav nam tav txiv nwg txha muaj responsabilité ntawm nwg tug kheej.
D: Leej twg yog tug tsimnyog ua?
Leej txiv sawvcev Vaajtswv (txhais hastas nyob huv lub tsev leej txiv yog tug tswj zoo le Vaajtswv tswj pawg ntseeg ntaag). Muaj ntau zag peb cov ua nam ua txiv tseem nwg hastas leej twg yog tug tsimnyog qha tej mivnyuas?
- Leej txiv yog tug ntaus thawj yuav qha tej mivnyuas; Paajlug 13:7 hastas " Yeej tsi muaj ib tug mivnyuas kws leej txiv tsi tau qha los nplawm le. "
- Yuav tsi yog leej txiv hab xwb....! Yog leej txiv tsi nyob lawm, leej nam muaj cai qha, leej nam yeej muaj cai qha tej mivnyuas, tabsis ncu ntsoov hastas xob rhauv leej txiv cov lug qha. Tsi xob muab leej txiv ua qhov chaw hem mivnyuas, nyob tsaam miv nyuas yuav xaav hastas puab txiv mas phem tag-tag le.
E: Sawv nreg nroog tuav khov kho.
- Nam hab txiv yuav tau sawv nreg nroog nrug puab cov mivnyuas. Leej nam hab leej txiv kws muaj kev hlub, mas puab tog ntsoov nub kws tej mivnyuas luj hlub tav hluas.
- Qhua ntxha tej mivnyuas thaus puab txawj ntse hab txawj txav txim sab ntawm puab tug kheej.
- Leej nam leej txiv xaav kuas tug mivnyuas coj mojyaam zoo rua Tswv Yexus thaus puab luj hlub.
- Paajlug 22:6 "Qha mivnyuas kuas nwg paub ua nwg lub neej, nwg yuav ncu ntsoov tej lug ntawd moog taag nwg simneej."
Theem 4 nuav yuav ntev zog, tabsis mej ua sab ntev nyeem. Lwm zag peb maam nyeem theem 5 kws yog theem kawg.
- Yug kev txhim qha puas ncaaj?
- Puas yog ua lug ntawm kev npau tawg?
- Tug Mivnyuas puas totaub txug qhov qha ntawd tas yog dlaabtsi?
- Tug mivnyuas puas paub tusab rua qhov kws nwg tau ua?
Thaus yug muab sojntsuam taag, yog yug pum hastas yug ua tsi ncaaj, ua tau dlhau heev lawm, yug yuav tau moog thov kev zaam txim ntawm tug los cov mivnyuas, qhov nua yuav ua rua puab paub hastas yug HLUB puab tag.
B: Cobqha Kuas xyuamxwm:
Teg dlejnum nuav thaus peb muaj mivnyuas lawm, leej nam leej txiv yuav tau paub hastas yug muaj ib teg dlejnum rua yug cov mivnyuas.
- Muaj kev cobqha kws txawmpeem, puvntoob
- Yuav tau chiv los pib thaus ntxuv
- Leej Txiv ua tug coj
- Leej Nam yuav tau paab leej txiv, obleeg yuav tau sis paab qha.
Leej nam hab leej txiv yuav tau CEEV tej lug cobqha kuas zoo, obtug yuav tau qha los ntuag moog tuabyaam, tuabseem. Pevxaam: Nub nua yug tug mivnyuas tau ua ib yaam puag, yug hastas tsi ua lecaag.... Nub tomqaab nwg rov ua dlua, yug tshev heev. Yog peb ua lenuav, tug mivnyuas yuav tsi totaub hastas qhov twg yog hab qhov twg tsi yog.
C: Pib thaus twg (txhais tas txij noobnyoog lecaag)
Muaj ib txha nam txiv tsi paub hastas tug mivnyuas noobnyoog txij lecaag yug maam le qha tau...! Peb yuav tau pib thaus ntxuv le ntaag. Tug mivnyuas yau los yeej qha tau lug ntawm lulug muas mog. Cov tuabneeg kws xaam txug zaaj nuav, luas hastas, mivnyuas feemcoob yeej muaj lub sab ua yaam tsi yog thaus yug lug le lawm. Yog le peb cov ua nam ua txiv yuav tau ntse hab qha tag-tag, kev qha yuav tsum nrug kev xaaj hab kev totaub.
* Thaus tug mivnyuas muaj 6 hli:
Nwg yeej noj tsi tau khoom tawv, tabsis kwstshuaj hastas yuav tau muab nwg xyum noj hab muab nwg yoo mig mivntsiv nwg txha yuav kaam noj.
- Qha thaus nwg pib xyum moog kev
- Qha thaus tug mivnyuas txawj txaav rua ub rua nua kuas nwg paub hastas yuav raug mob.
* Thaus muaj 1 xyoos:
Thaus tug mivnyuas muaj ib xyoos nwg xaav paub txhua yaam, nwg yeej moog kov qhov ub qhov nuav, yug yuav tau qha rua nwg, muab nwg sim kuas nwg paub hastas yog kov ces yuav ku, yuav mob.
* Thaus luj hlub paub taab:
Thaus nwg luj paub taab lawm yuav tau khaiv nwg ua dlejnum, coj khoom lamsim moog povtseg, khu txaaj chaw, noj kuas raug caij, pw kuas raug caij, qha tas nwg muaj ib tegnum yuav tau ua, thaus nwg tav nam tav txiv nwg txha muaj responsabilité ntawm nwg tug kheej.
D: Leej twg yog tug tsimnyog ua?
Leej txiv sawvcev Vaajtswv (txhais hastas nyob huv lub tsev leej txiv yog tug tswj zoo le Vaajtswv tswj pawg ntseeg ntaag). Muaj ntau zag peb cov ua nam ua txiv tseem nwg hastas leej twg yog tug tsimnyog qha tej mivnyuas?
- Leej txiv yog tug ntaus thawj yuav qha tej mivnyuas; Paajlug 13:7 hastas " Yeej tsi muaj ib tug mivnyuas kws leej txiv tsi tau qha los nplawm le. "
- Yuav tsi yog leej txiv hab xwb....! Yog leej txiv tsi nyob lawm, leej nam muaj cai qha, leej nam yeej muaj cai qha tej mivnyuas, tabsis ncu ntsoov hastas xob rhauv leej txiv cov lug qha. Tsi xob muab leej txiv ua qhov chaw hem mivnyuas, nyob tsaam miv nyuas yuav xaav hastas puab txiv mas phem tag-tag le.
E: Sawv nreg nroog tuav khov kho.
- Nam hab txiv yuav tau sawv nreg nroog nrug puab cov mivnyuas. Leej nam hab leej txiv kws muaj kev hlub, mas puab tog ntsoov nub kws tej mivnyuas luj hlub tav hluas.
- Qhua ntxha tej mivnyuas thaus puab txawj ntse hab txawj txav txim sab ntawm puab tug kheej.
- Leej nam leej txiv xaav kuas tug mivnyuas coj mojyaam zoo rua Tswv Yexus thaus puab luj hlub.
- Paajlug 22:6 "Qha mivnyuas kuas nwg paub ua nwg lub neej, nwg yuav ncu ntsoov tej lug ntawd moog taag nwg simneej."
Theem 4 nuav yuav ntev zog, tabsis mej ua sab ntev nyeem. Lwm zag peb maam nyeem theem 5 kws yog theem kawg.
Txooj Neeb Vaaj
0 commentaires:
Enregistrer un commentaire